Ховд аймагт хэрэгжиж “Ахиллис Хүүхэд” олон улсын хөтөлбөрийн 2026–2027 хичээлийн жилийн нээлтийн үйл ажиллагаа болох “Багачуудын хөгжилтэй гүйлт – Ховд 2026” арга хэмжээг аймгийн Засаг даргын ивээл дор 2026 оны 09 дүгээр сарын 04-ний өдөр Ард Аюушийн талбайд хүүхэд бүрд ээлтэй, хүртээмжтэйгээр 2 дахь удаагаа амжилттай зохион байгууллаа. 🇲🇳

🔹 Ахиллис Хүүхэд хөтөлбөрийг хэрэгжүүлэх хамтын ажиллагааны хүрээнд Ховд аймгийн Засаг даргын Тамгын газар, Хөгжлийн бэрхшээлтэй хүний хөгжлийн төв болон төрийн болон төрийн бус байгууллага, аж ахуйн нэгж, иргэдтэй хамтран тус арга хэмжээг зохион байгуулсан бөгөөд энэ жилийн гүйлтэд оролцогч хүүхэд, хамтрагч байгууллага, хувь хүмүүсийн тоо өмнөх жилээс нэмэгдсэнээрээ онцлог байлаа. ✅

🎯 Тус арга хэмжээ нь хүүхэд багачуудад биеийн тамир, спортоор хичээллэх, эрүүл амьдралын хэв маяг, зөв зан үйлийг төлөвшүүлэхийн зэрэгцээ хөгжлийн ялгаатай хүүхдүүдийг өөртөө итгэлтэй болгох, тэдний оролцоог нэмэгдүүлэх, амьдралын чанарыг дээшлүүлэх зорилготой юм.

Тэмцээний нээлтийн үйл ажиллагаанд Ховд аймгийн Засаг дарга, Аймгийн Хүүхдийн зөвлөлийн дарга М.Амарсанаа оролцож, хүүхэд багачууддаа амжилт хүслээ. 👏👏👏

💙 Энэхүү гүйлт нь зөвхөн тэмцээн уралдаан бус, хүүхдүүд бие биенээ дэмжиж, хөгжлийн ялгаатай хүүхдүүддээ урам зориг өгч, хамтдаа хөгжиж, өөртөө итгэх, нөхөрлөж сурах хүүхдэд ээлтэй, тэгш оролцооны баяр боллоо. Мөн хөгжлийн бэрхшээлийн талаарх олон нийтийн зөв ойлголт, хандлагыг төлөвшүүлэхэд чиглэсэн ач холбогдолтой арга хэмжээ болсон юм.

🏃‍♀️🏃‍♂️ Тус гүйлтэд 6–15 насны 750 гаруй хүүхэд оролцсоноос 60 орчим нь хөгжлийн ялгаатай хүүхэд байлаа. Оролцогчид эрэгтэй, эмэгтэй 5 насны ангиллаар төв талбайгаас Спортын ордон чиглэлд 400–1200 метрийн зайд гүйж, нийт 60 хүүхэд шилдгээр шалгарлаа. 🥇🥈🥉

📍 Тус арга хэмжээнд зөвхөн Жаргалант сумын хүүхэд багачууд төдийгүй Алтай, Мөст, Дуут, Манхан сум болон Увс аймгийн Өмнөговь сумын хүүхдүүд зорин ирж оролцлоо.

🎉 ӨРТӨӨЧИЛСӨН ҮЙЛЧИЛГЭЭ

Арга хэмжээний үеэр оролцогч хүүхэд багачууд, эцэг эх, асран хамгаалагч, дэмжигчдэд зориулан дараах өртөөчилсөн үйлчилгээг ажиллууллаа.

🔹 Өртөө 1. Эмнэлгийн анхны тусламжийн үйлчилгээ – Хөгжлийн бэрхшээлтэй хүний хөгжлийн төв

🔹 Өртөө 2. Хүүхдийн нүүр будах үйлчилгээ – Хөгжлийн бэрхшээлтэй хүний хөгжлийн төв болон сайн дурын ажилтнууд

🔹 Өртөө 3. Хүүхэд хамгааллын үйлчилгээ – Гэр Бүр Хүүхэд Хөгжил Хамгааллын Газар

🔹 Өртөө 4. Амтатны амталгаа – “Мон Шим” компани

🔹 Өртөө 5. Аврагч өртөө – Онцгой байдлын газар

🔹 Өртөө 6. 10 настай хүүхдүүдийн дунд бөхийн барилдаан – Биеийн тамир, спортын газар

💐 “БАГАЧУУДЫН ХӨГЖИЛТЭЙ ГҮЙЛТ – ХОВД 2026” арга хэмжээг ивээн тэтгэж, хамтран ажилласан байгууллага, аж ахуйн нэгж, хувь хүмүүс, оролцсон нийт хүүхэд багачууд, тэднийг дэмжсэн эцэг эх, асран хамгаалагчид, дэмжигчид болон сайн дурын ажилтнууддаа чин сэтгэлийн талархал илэрхийлье. ❤️